Tchind­lo Lab o The­me­star Baden-Würt­tem­berg ketene o Ver­band Deut­scher Sin­ti und Roma, Lan­des­ver­band Baden-Würt­tem­berg e.V.


Glanstu­no lab

Sin­ti un Roma hi bude­da ha shob-sheel (600) ber­sha an o them Baden-Würt­tem­berg khe­re. Jon hi jek kotar i kul­tu­ra un i manu­sha an ko them. An i Bun­des­re­pu­blik Deutsch­land hi i Sin­ti un Roma i natio­nal­ti­ki mino­ri­ta­eta. Len­gro rake­pen un len­gri kul­tu­ra hi an o ger­man­ti­ko, nin­na an o euro­pa­eti­ko tchat­che­pen, pre-hade­men. I gad­je­ti­ki dis­kri­mi­ni­run­ga i Sin­ten­dar un Romen­dar djal i rar tsi­ro pal pale, djin­ge o Mit­tel­al­ter. O pal-linepen un o manus­hen­gro marepen an o natio­nal­so­zia­lis­ti­ko tsi­ro anas bari dukh un khai­ta pral i Sin­ten­de un Romen­de an maro them. Kola dukha atchen­na djin­ge maro tsi­ro.
Ko tchil­at­che­pen wajas i rar tsi­ro koi pal pre-tsik­e­do. Koi pral hun­te well ladj pral kolen­de, kai o poli­ti­ko rake­pen hi. Nin­na hi koi­ja doosh gar doha pre-bude­do. O Anti­zi­ga­nis­mus hi gom­me exis­tent un anell bud khaita.

Mer hai­wah, kai mer doosh pral men­de lam, un kha­mah, te krass les kan­na fede­da. Len hi o emli­go tchat­che­pen un mer kha­mah, te was maa­la i ger­man­ti­ke Sin­ten­dar un Romen­dar an maro them.

Doles­ke pan­den pen

o Them Baden-Würt­tem­berg pral o Minis­ter­prä­si­dent
(koi pal: o Them)

un

o Ver­band Deut­scher Sin­ti und Roma, Lan­des­ver­band Baden-Würt­tem­berg e.V. pral o  Vorstandsvorsitzender

(koi pal: VDSR-BW)

ketene an kawa The­mes­kro Tchind­lo Lab.

Mer kha­mah ketene haki dis­kri­mi­ni­run­ga i Sin­ten­dar un Romen­dar, nin­na o Anti­zi­ga­nis­mus tel i manus­hen­de, tee­le te khurell;

Ketene kha­mah mer te bude­rell, te well i har­mo­nia mash­kral hallau­ter­en­de bare­da. Koi pashal hi mol­des, te well len­gro rom­nepen, len­gri tchip Roma­nes, nin­na len­gro pats­epen rik­e­do un sor­le­da kerdo;

Ketene hi men­ge o Euro­päi­sches Rah­men­über­ein­kom­men zum Schutz natio­na­ler Min­der­hei­ten un i Euro­päi­sche Char­ta der Regio­nal- oder Min­der­hei­ten­spra­chen mol­des, un tsik­erell mari buthi pre;

Ketene hi men­ge mol­des, te bude­rass dure­da an ko ducho o glanstu­neskro The­mes­kro Tchind­lo Lab, gai an o  1. Janu­ar 2014 an soor shtakeras.

Ketene krah mer i newo The­mes­kro Tchind­lo Lab.

Te sharass mari natio­nal­ti­ki mino­ri­ta­eta, well kawa Tchind­lo Lab nin­na ap Roma­nes tchind­lo. O VDSR-BW krell kowa.


Kotar 1.

Tchat­che­pen, ketene­ti­ki buthi un hoi men glan hi


(1) I ger­man­ti­ke Sin­ten un Romen hi o tchat­che­pen, te wenn le lat­ches an-dik­lo, te well len­gri kul­tu­ra un len­gri tchip Roma­nes sor­le­da ker­des. Nin­na hi len o tchat­che­pen, te well len­gri par­mis­si rikedes.

(2) Ketene kha­menn o Them un o VDSR-BW dure­da bude­rell, hoi an o glanstu­no The­mes­kro Tchind­lo Lab 1. Janu­ar 2014 tar­do his. Kowa his glanstunes:

– Te well kowa ker­des, hoi an i sike­pan­gri­ti­ki curicul­lar pral i Sin­ten­de un Romen­de dren tchind­lo was. Koi pashal hi, te well kawa the­ma an i sike­pas­krja glan-andlo un te wenn i sike­pangre wri- un dure­da-sik­e­do. Mol­des koi pashal hi, te denn i the­mes­kre pralstu­ne jakk koi pre, te well i sin­ten­gri un romen­gri par­mis­sa tchat­ches glan-andlo un te nai well kote dran kek dis­kri­mi­ni­run­ge kerdo.

– Te bude­renn o VDSR-BW un i the­mes­kre sike­pangre orga­ni­sa­tio­ne dure­da un sor­le­da ketene. Mol­des koi pashal hi, te well o Anti­zi­g­a­nais­mus, gai jaa­ke bud dukh un khai­ta anel­la, glan-sik­e­do. Nin­na, te well o sike­pen pral i par­mis­si un i tole­ran­za mash­kral hallau­ter­en­de sorleda.

– Te well i Anti­zi­ga­nis­mus-For­schung dure­da gerdo.

– Te bude­rass dure­da un sor­le­da ketene i Lan­des­zen­tra­le für poli­ti­sche Bil­dung un i Lan­des­ar­beits­ge­mein­schaft der Gedenk­stät­ten in Baden-Württemberg.

– Te wenn tar­ne Sin­ti un Roma an sike­pas­kre koo­ma sor­le­da ker­do, nin­na, te lenn le i emli­ge chance.

– Te well sor­le­da ker­do i Bera­tungs­stel­le für gleich­be­rech­tig­te Teil­ha­be in Bil­dung, Inte­gra­ti­on und Soziales.

– Te wenn i Grab­stät­ten der unter der natio­nal­so­zia­lis­ti­schen Gewalt­herr­schaft ver­folg­ten Sin­ti und Roma hake tsi­res­ke rikedo.

– Te well bude­da ker­do i Sin­ten­ge un Romen­ge, te wenn le sik­e­do an pen­gri kul­tu­ra un o rom­no rakepen.

– Te krass bude­da i buthi pral o rode­pen i sin­ten­gri un romen­gri par­mis­si un kul­tu­ra. Kowa krell i natio­nal­ti­ki mino­ri­ta­eta kokres.

– Te well plais­se­do i insti­tu­tio­na VDSR-BW.

– Te bude­rass, te well I natio­nal­ti­ki mino­ri­ta­eta Sin­ti un Roma tchat­ches sik­e­do, nin­na lat­che­da an-dik­lo an i poli­ti­ka, i kul­tu­ra un o manus­hen­gro gosewepen.

– Ketene kha­mah mer te dikell, hoi mer an o tsi­ro, hoi glan men­de hi, nai dure­da krah.

(3) O VDSR-BW hun­te krella:

– bude­rass ketene i poli­tikar­ja un i the­mes­kre orga­ni­sa­tio­ne, te well i par­mis­si un o dji­pen i Sin­ten­dar un Romen­dar sen­si­ble­ti­kes glan-sikedo.

– bude­rass, kai wri-them­ti­ke roma an maro them, gai kate nai atchen­na, nin­na i kotar mash­kral i manus­hen­de un i natio­nal­ti­ki mino­ri­ta­eta wenna.

– bude­rass ketene o Rat für die Ange­le­gen­hei­ten der deut­schen Sin­ti und Roma in Baden-Württemberg.


Kotar 2.

Rat für die Ange­le­gen­hei­ten der deut­schen Sin­ti und Roma in Baden-Württemberg.


(1) O Them un o VDSR-BW bude­renn an o Rat für die Ange­le­gen­hei­ten der deut­schen Sin­ti und Roma in Baden-Würt­tem­berg ketene.

(2) Koles hi koi­ja buthi:

– Te well hallau­ter glan-andlo, hoi i ger­man­ti­ke Sin­ti un Roma an o them an-taperella.

– Te rakeress lo pral pro­jek­te un kowa hoi krell sor­le­da, nin­na te aness lo kowa glan i the­mes­kre pralstu­ne an o Land­tag, te nai well hallau­ter ker­do, jaa­ke, ha an Kotar 1 an kawa Tchind­lo lab tar­do hi.

– Te dess lo o Land­tag pale un pale i infor­ma­tio­ne pral kowa, hoi i buthi lestar his un hoi job rake­ras tele.

(3) An ko Rat hi beshto:

– Shob morsha/djuwija o the­me­star; len­dar hi tri­in dran i Lan­des­re­gie­rung, dui dran o Land­tag un jek dran i Kom­mu­na­le Lan­des­ver­bän­de. Jek kola tri­in morsha/djuwija dran i the­mes­kri pral­tu­ni, hi i koor­di­na­to­ret­sa / o koor­di­na­to­ro o  Rate­star. O Rat hi besh­to an o Staats­mi­nis­te­ri­um. Dui len­dar hi dran wawar minis­teri­je, gai kren­na buthi an ko the­ma. Kola shob mor­s­hen­de un dju­wi­jen­de nai well i wawar kare­do, gai les­ke / lake koi wella.

– Shob mor­sha /djuwija, gai shta­ke­ren­na dren i ger­man­ti­ke Sin­ten­de un Romen­de an Baden-Wüt­tem­berg. Kola shob mor­s­hen­de / dju­wi­jen­de, nai well i wawar kha­re­do, gai les­ke / lake koi wella.

(4) I Lan­des­re­gie­rung penel­la, koon i koor­di­na­to­ret­sa / o koor­di­na­to­ro hi, nin­na, koon i minis­teri­jent­sa pashal wel­la. Ko Rat hi besh­to an o Staats­mi­nis­te­ri­um. Kola mor­sha / dju­wi­ja o Land­ta­gestar wen­na bit­che­do dran o Land­tag. I mor­sha / dju­wi­ja, gai wen­na i Kom­mu­na­le Lan­des­ver­bän­de, wen­na dran i Kom­mu­na­le Lan­des­ver­bän­de glan-pend­lo un bal­le dran o Land­tag an o Rat kha­re­do. Kola mor­sha / dju­wi­ja, gai shta­ke­ren­na i ger­man­ti­ke Sin­ten­de un Romen­de dren, wen­na o VDSR-BW glan-pend­lo un bal­le dran o Land­tag an o Rat kharedo.

(5) I tse­le mor­sha un dju­wi­ja, gai an ko Rat bit­che­do wajan, atchen­na o emli­go tsi­ro an ko Rat ha i Land­ta­ges­kri Wahl­pe­ri­ode hi.

(6) I koor­di­na­to­ret­sa / o koor­di­na­to­ro un o VDSR-BW bude­renn ketene, te well ko Rat ketene. Ko Rat hun­te well jek kop­po an o bersh ketene, bude­da nai djal nin­na. Kowa, hoi jon glan-anenn, hi win-ker­do, te hadenn dui-tri­in­te-koti­ja len­dar o wast. Bal­le annen jon kowa pash o Minis­ter­rat glan. O Land­tag well pale un pale infor­mi­re­men pral i buthi an o Rat un hoi job win-kras.


Kotar 3

Lowen­go plaissepen


(1) Te nai krell o VDSR-BW pes­kri buthi un kowa, hoi an kawa Tchind­lo lab tar­do hi, nin­na, te well i kul­tu­ra i ger­man­ti­ki Sin­ten­dar un Romen­dar an Baden-Wüt­ten­berg sor­le­da, plais­se­rell o Them o VDSR-BW ap ko bersh 2019:

a) an o bersh 2019:         700.000 Euro
b) an o bersh 2020:         721.000 Euro

Kowa plais­ske­pen well dyna­mi­si­re­men an i ber­sha 2021 djin­ge 2033, hako bersh kut­che­da tru­jal 2%.

Hoi o Them krel­la, te wenn i Grab­stät­ten der unter der natio­nal­so­zia­lis­ti­schen Gewalt­herr­schaft ver­folg­ten Sin­ti und Roma, hake tsi­res­ke rik­e­do, hi koi gar pashal. Kowa well dure­da pral o Them ker­des, djin­ge o tse­lo ger­man­ti­ko them tcho­mo­ni newes glan-tchinella.

(2) O VDSR-BW del­la gar tik­ne­star ha 10% o the­mes­kro plais­ske­pen wri, te wenn i Sin­ti un Roma, gai kek ger­man­ti­ke hi un an maro them nai atchen­na, fede­da inte­gri­re­men mash­kral i them­ti­ke manu­sha un i natio­nal­ti­ki mino­ri­ta­eta. Nin­na, te lenn le I emli­gi chan­ca ha lau­te­ren hi.

(3) Kowa plaiss­ke­men lowe hun­te wel­la jaa­ke win-dino, ha an kawa Tchind­lo lab tar­do hi, nin­na ha o VDSR-BW kowa an leskri Sat­zung glan-dikel­la. Ko plais­ske­pen well pal o tchat­che­pen o the­mes­kre orga­ni­sa­tio­na wri-plais­se­do. O tse­lo bers­hes­kro plais­ske­pen, ha an o Kotar 1 tchind­lo hi, well an dee­sh-te-dui (12) emli­ge kot­ja wri-plaissemen.

(4) O VDSR-BW hun­te tchi­wess i koor­di­na­to­ret­sa / o koor­di­na­to­res­te un i the­mes­kri lowen­gri orga­ni­sa­tio­na pal hako bersh an i liil  glan, hoi lo hallau­ter bud­ras. Ko liil hun­te well koi-andlo glan o 1. Juni o newo bers­he­star. O VDSR-BW hun­te aness nin­na pash o Rat glan, hawi buthi un pro­jek­te job kras.



Kotar 4

Ha o Tchind­lo lab well: wri-gind­les / win-ker­des / teele-phagemen


(1) Te dell mash­kral o Them un o VDSR-BW tchin­ge­pen pral kowa, ha tchi­mo­ni an-dik­lo wel­la, hoi an o Tchind­lo lab tar­do hi, kha­menn hake dui rig­ja ha maa­la koi pral te rake­rell. Jaa­ke, te nai well hallau­ter pale mish­to mash­kral lende.

(2) Te nai well i tsi­ro, kai i situa­tio­na jaa­ke wawart­chan­des wajas ha an ko Tchind­lo lab glan-dik­lo his, kha­menn o Them un o VDSR-BW koi pral ha maa­la te rake­rell. Jaa­ke nai well ko Tchind­lo lab newes kerdo.

(3) Te well i pha­ro tsi­ro, kai jek kola dui­en­dar bude gar kowa nai krel­la, hoi an ko Tchind­lo lab glan-dik­lo was, nai well ko Tchind­lo lab teele-phagemen.

Glan ko tee­le-pha­ge­men hun­te well i tsi­ro pral tri­in tchon dino, te nai well lo koi­ja situa­tio­na pale mish­to ker­des, te nai bude­renn kola dui pale lat­ches ketene.


Kotar 5

Ha rar ko Tchind­lo Lab atchel­la / ha shta­ke­rell lo an soor / o dure­da tsiro


(1) Kawa Tchind­lo lab atchel­la dee­sh-te-pansh (15) ber­sha. An soor shta­ke­rell lo an o 1. Janu­ar 2019  un atchell djin­ge o 31. Dezem­ber 2033. Te nashras ko tsi­ro tee­le, dikenn o Them un o VDSR-BW ha nai well dure­da i Tchind­lo lab kerdo.

(2) Kawa Tchind­lo lab hun­te well an-lino tri­i­nen­dar: I Lan­des­re­gie­rung, o Land­tag un o VDSR-BW.

(3) The­mes­kro tchat­che­pen glan i pare­pas­kri, hi les kok­res an i ger­man­ti­ki tchip; Nin­na well ko Tchind­lo lab kok­res an o ger­man­ti­ko rake­pen win-karedo.

Kowa wajas ger­do an Stutt­gart, o 14. Novem­ber 2018

Win­fried Kret­sch­mann
Minis­ter­prä­si­dent
des Lan­des Baden-Württemberg

Dani­el Strauß
Vor­stands­vor­sit­zen­der
des Ver­band Deut­scher Sin­ti und Roma,

Lan­des­ver­band Baden-Württemberg